ممبئی (این این آئی)بالی ووڈ ادا کار سیف علی خان اور ان کی سابق بیگم امریتا سنگھ کی بیٹی سارہ علی خان کا کیریئر شروع ہونے سے پہلے ہی ہچکولے کھانے لگا۔ میڈیا رپورٹ کے مطابق سارہ اداکار سوشانت سنگھ راجپوت کے ساتھ فلم ’کیدار ناتھ‘ میں مرکزی کردار ہیں فلم کی شوٹنگ ابھی چل ہی رہی تھی کہ اچانک گاڑی پٹری سے اتر گئی وجہ فلم کے پروڈیوسر اور ہدایت کار ابھشیک کپور کے درمیان جھگڑا ہے۔

فلم کی شوٹنگ اکتوبر 2017 میں ختم ہونا تھی تاہم اب پروڈکشن کمپنی نے ابھشیک کپور پر بد تمیزی اور کام میں تاخیر کرنے پر مقدمہ دائر کر دیا ہے۔ پروڈکشن کمپنی کا کہنا ہے کہ ابھشیک نے کام میں لاپرواہی برتی اور اداکاروں کے کام کی ڈیٹس کو ضائع کر دیا۔بہرحال اپنی بیٹی کی پہلی فلم کا یہ حال دیکھ کر امریتا سنگھ پریشان ہو گئیں اور انھوں نے بھی ابھشیک کپور کو آڑے ہاتھوں لیا۔