اسلام آباد (مانیٹرنگ ڈیسک) دھرنوں کے باوجود حکومت اپنی آئینی مدت پوری کرے گی، جنرل باجوہ نے جمہوری عمل جاری رہنے کی یقین دہانی کرائی ہے، وزیراعظم شاہد خاقان کی اخبار نویسوں سے گفتگو۔ تفصیلات کے مطابق وزیراعظم پاکستان شاہد خاقان عباسی نے اسلام آباد میں اخبا ر نویسوں سے گفتگو کرتے ہوئے کہا ہے کہ دھرنوں کے باوجود حکومت اپنی

آئینی مدت پوری کرے گی، آرمی چیف جنرل قمر جاوید باجوہ نے جمہوری عمل جاری رہنے کی یقین دہانی کرائی ہے۔ انہوں نے حکومت گرائے جانے کی خبروں کو یکسر مسترد کرتے ہوئے کہا کہ جمہوری عمل جاری رہے گا ۔ اپوزیشن کی محاذ آرائی اور دھرنوں کی سیاست کے باوجود حکومت گرنے والی نہیں۔ انہوں نے عام انتخابات وقت پر ہونے کا بھی اعلان کیا۔

موضوعات:آرمی چیف جنرل قمر باجوہ وزیراعظم شاہد خاقان