پشاور(این این آئی)کسٹم حکام نے پشاور کے باچا خان ائرپورٹ پر کاروائی کے دوران بیرون ملک سے آنے والے چھ مسافروں سے دو سو تیس کلو گرام سونابرآمد کرلیا ،سونے کی مالیت کروڑوں روپے ہے۔ کسٹم حکام کے مطابق پشاور کے باچا خان انٹرنیشنل ائر پورٹ پر کاروائی کے
دوران دوبئی سے انجی ائرلائن کی پرواز سے آنے والے چھ مسافروں سے مجموعی طور پر دو سو تیس کلو گرام سونا اور دس گرام جیولری برآمدہوئی ،سونے کی مالیت کروڑوں روپے ہے،کسٹم اہلکاروں کے مطابق سونا سامان میں چھپایا گیا تھا،گرفتار ملزموں ملزموں کے خلاف مقدمہ درج کردیا گیا ہے۔
