لاہور (مانیٹرنگ ڈیسک) کاؤنٹر ٹیررازم ڈیپارٹمنٹ نے امریکی قونصلیٹ کے ملازمین کو ملنے والی دھمکی آمیز خطوط کے معاملے کی تفتیش شروع کر دی۔ نجی ٹی وی نے ذرائع کے حوالے سے بتایا کہ خطوط چوہنگ اور جوہر ٹاؤن میں امریکی قونصلیٹ کے افسران کو دھمکی آ میز خط بھیجے گئے تھے جس پر 2مقدمات درج کرائے گئے تھے اور لاہور پولیس نے دونوں مقدمات سی

ٹی ڈی کے حوالے کر دیئے۔نجی ٹی وی کے مطابق دونوں واقعات میں ایک ہی طریقہ واردات استعمال کیا گیا، دونوں افسران کی گاڑیوں کے شیشے توڑ کر خطوط رکھے گئے خطوط میں اسرائیل کے حوالے سے امریکی پالیسیوں پر نظر ثانی کا مطالبہ کیا گیا تھا اور پالیسیوں پر نظر ثانی نہ کرنے پر سنگین نتائج کی دھمکیاں دی گئی تھیں۔سی ٹی ڈی نے تفتیش کے لئے ٹیم تشکیل دیدی۔