بونیر (آئی این پی ) ایڈیشنل سیشن جج عزیز محمد کے عدالت نے چھٹی جماعت کی طالبہ سے زیادتی کرنے والے ملزم استاد پر جرم ثابت ہونے پر چودہ سال قید ایک لاکھ روپے جرمانہ اور ان کے دوسرے ساتھی ملزم کو پانچ سال قید اور پچاس ہزار روپے جرمانہ کی سزاسنادی ،تفصیلات کے مطابق ایک سال قبل پولیس سٹیشن ڈگر کی حدود میں ایک نجی سکول کی چھٹی جماعت کی طالبہ (س) بہ عمر بارہ سال نابالغہ کو اپنے ہی استاد نے ورغلاکرکے ان کے ساتھ زیادتی کی اوراغواء کرکے کراچی لے گیا
تاہم اس وقت پولیس نے ملزم (مولانا) استاد تازہ خان سکنہ تورورسک حال کراچی کاموبائل فون ٹریس کرکے ڈرامائی انداز میں اسے گرفتارکرلیا اور ان سے نابالغہ طالبہ آزاد کرایا ، مشہورکیس کی سماعت ایڈیشنل سیشن جج (کرائم) عزیز محمد خان کے عدالت میں مکمل ہوئی ،جرم ثابت ہونے پر عدالت نے ملزم تازہ خان کو مقدمہ376کے تحت سزاسناتے ہوئے چودہ سال قید اور ایک لاکھ روپے جرمانہ کی سزا سنادی ،جبکہ ان کے مددگار دوسرے ملزم ہارون کو جرم 363کے تحت پانچ سال قید اور پچاس ہزار روپے جرمانہ کی سزاسنادی ،استعاثہ کی جانب سے ممتاز قانون دان بدیع الزمان خان ایڈوکیٹ اور سرکاری وکیل بخت بیدار خان نے پیروی کی ۔
