اسلام آباد (مانیٹرنگ ڈیسک) وفاقی وزیر داخلہ احسن اقبال نے کہا ہے کہ عمران خان ٹرمپ کے آلہ کار ہیں ، قوم عمران خان کی سرگرمیوں کا نوٹس لے ۔ نجی ٹی وی چینل کے مطابق احسن اقبال نے کہا کہ پاکستان کو بیرونی خطرات سے زیادہ اندرونی انتشار اور خطرات کاسامنا ہے ۔ مسلم لیگ (ن) کی سیاست ملکی مفادات سے مشروط ہے جب کہ عمران خان کی سیاست کا محور صرف ان کی سیاست ہے ۔ عمران خان ملک کے لئے سیکیورٹی رسک ہیں ۔ وہ موجودہ حالات میں ملک کو انتشار اور عدم استحکام کا شکار کر

رہے ہیں ۔ انہیں نواز شریف پر تنقید زیب نہیں دیتی ۔ نواز شریف نے ملک کو ایٹمی طاقت بنایا ۔ مسلم لیگ (ن) نے ملک کو اندھیروں سے نکالا ۔ سی پیک کا تحفہ دیا ۔ عمران خان (ن) لیگ کی کامیابیوں سے خائف ہیں ۔ وزیر داخلہ نے کہا کہ نواز شریف کو عوام کا اعتماد حاصل ہے ۔ (ن) لیگ نے ملکی ترقی کو حقیقت کا رنگ دیا ۔ احسن اقبال نے کہا کہ بدقسمتی سے کچھ سیاست دان ملک میں انتشار کے لئے سرگرم ہیں ۔ وزیر داخلہ نے کہا کہ بھارت پاکستان کی جانب میلی آنکھ سے دیکھنے کی جرات نہیں کر سکتا۔