اسلام آباد (این این آئی)وزیر مملکت اطلاعات مریم اورنگزیب نے کہا ہے کہ زبیدہ آپا نے مثبت اقدار کی حوصلہ افزائی کے لئے قابل قدر خدمات انجام دیں۔ جمعہ کو مریم اورنگزیب نے زبیدہ آپا کے انتقال پر اظہار افسوس کرتے
ہوئے کہا کہ زبیدہ آپا منفرد کوکنگ شوز کے ذریعے ملک بھر میں مقبول تھیں۔ زبیدہ آپا نے پکوان کی تیاری اور سلیقہ مندی کی مشرقی روایات کو فروغ دیا۔ زبیدہ آپا نے مثبت اقدار کی حوصلہ افزائی کے لئے قابل قدر خدمات انجام دیں اﷲ تعالیٰ زبیدہ آپا کو اپنے جوار رحمت میں جگہ عطا کرے زبیدہ آپا کے کردار اور شخصیت کو تادیر یاد رکھا جائے گا
