واشنگٹن (این این آئی) امریکی سینیٹر ینڈ پال نے کہاہے کہ سینیٹ میں پاکستان کی امداد بند کرنے کا بل لیکر آؤں گا،امریکہ پاکستان کو دی جانیوالی امداد شکیل آفریدی کی رہائی سے مشروط کرے۔ایسے ملک کو امداد نہیں دینی چاہئے جو ایسے شخص کو ٹارچر کر رہی ہو جس نے اسامہ کو ہلاک کرنے میں امریکہ کی مدد کی ہو۔ غیر ملکی میڈیا کے مطابق امریکی سینیٹر رینڈ پال نے اپنے ایک ٹوئٹر بیان میں کہا ہے کہ امریکہ کو چاہئے کہ پاکستان کو دی جانے
والی امداد شکیل آفریدی کی رہائی سے مشروط کرے ۔ انہوں نے کہا کہ امریکہ کو ایسے ملک کو امداد نہیں دینی چاہئے جو ایک ایسے شخص کو ٹارچر کر رہی ہو جس نے اسامہ بن لادن کو ہلاک کرنے میں امریکہ کی مدد کی۔ انہوں نے کہا کہ میں اپنے موقف کے منظور ہونے تک کسی حد تک بھی جاؤں گا، یا تو یہ امداد بند ہو یا پھر انصاف پورا کیا جائے۔
