اسلام آباد (مانیٹرنگ ڈیسک) وزیراعلی گلگت بلتستان حافظ حفیظ الرحمن نے کہاہے کہ میرے وزیراعظم اب بھی محمد نواز شریف ہیں، شاہد خاقان عباسی قابل احترام اور نواز شریف کے کارکن ہیں۔ جمعرات کو گلگت بلتستان ہاؤس میں پریس کانفرنس کے دوران ایک صحافی نے وزیراعلی گلگت بلتستان حافظ حفیظ الرحمن سے سوال کیا کہ جی بی ہاؤس میں شاہد خان عباسی کی بجائے نواز شریف کی تصویرکیوں ہے ؟جس پر وزیراعلی گلگت بلتستان حافظ حفیظ الرحمن نے کہا کہ میرے وزیرعظم اب بھی نواز شریف
ہی ہیں۔ انہوں نے کہا کہ وزیراعظم شاہد خاقان قابل احترام اور محمد نواز شریف کے کارکن ہیں، انہوں نے کہا کہ وزیراعظم شاہد خاقان عباسی محمد نوازشریف کے وژن کے مطابق ملک کو آگے لے کر جارہے ہیں۔ وزیراعلی گلگت بلتستان حافظ حفیظ الرحمن نے کہاہے کہ میرے وزیراعظم اب بھی محمد نواز شریف ہیں، شاہد خاقان عباسی قابل احترام اور نواز شریف کے کارکن ہیں۔ انہوں نے کہا کہ وزیراعظم شاہد خاقان عباسی محمد نوازشریف کے وژن کے مطابق ملک کو آگے لے کر جارہے ہیں۔
