مدینہ منورہ ،اسلام آباد(آن لائن،مانیٹرنگ ڈیسک) وزیر اعلی پنجاب شہباز شریف نے مدینہ منورہ میں مسجد نبوی میں نماز فجر اور نوافل ادا کئے ۔ تفصیلات کے مطابق وزیر اعلی پنجاب میاں شہباز شریف جو عمرہ کی ادائیگی کے لئے غیر سرکاری دورے پرسعودی عرب گئے تھے نے مدینہ منورہ میں مسجد نبوی میں نماز فجر ادا کی۔ انہوں نے نوافل بھی ادا کئے ۔ وزیر اعلی پنجاب نے نماز کی ادائیگی کے بعد ملک و قوم کی ترقی و
خوشحالی پاکستان کے استحکام اور امن و سلامتی کے لئے دعا بھی کی ۔دوسری جانب ترجمان وزیراعظم مصدق ملک نے میں گفتگو کرتے ہوئے کہا کہ شہبازشریف کا دورہ ذاتی نوعیت کا ہے، وہ عمرہ ادا کریں گے۔انہوں نے شہبازشریف کے دورے پر تحریک انصاف کی تشویش کا جواب دیتے ہوئے کہا کہ تحریک انصاف کی ساری عمر تشویش میں ہی گزر جائے گی۔سازشی عناصر منہ کی کھائیں گے۔
