اسلام آباد (مانیٹرنگ ڈیسک) پیر آف گولڑہ شریف نظام الدین جامی کا پاکستان عوامی تحریک کے سربراہ ڈاکٹر طاہر القادری کی مکمل حمایت کا اعلان ۔نجی ٹی وی  کے مطابق نظام الدین جامی نے پریس کانفرنس سے خطاب کرتے ہوئے اپیل کی کہ کوئی بھی مسلم لیگ ن کو ووٹ نہ دے ۔ انہوں نے کہا کہ ووٹ کس کو دینا ہےاس کا بھی جلد اعلان کیا جائے گا۔پیر آف گولڑہ شریف نظام الدین جامی نے کہا کہ نواز شریف ذاتی مفادات کے لیے مہم چلا سکتے ہیں تو

ختم نبوت کے معاملے پر کیوں نہیں چلا سکتے؟ ہم مذہبی معاملات پر اکٹھے ہوئے ہیں ، ہمارا سیاست میں آنے کا کوئی ارادہ نہیں ہے۔ان کا کہنا تھا کہ 16جنوری 2018کو ختم نبوت کانفرنس میں آئندہ کے لائحہ عمل کا اعلان کریں گے۔ پیر حمید الدین سیالوی نے جو 31دسمبر کی ڈیڈ لائن دی ہے ان کے ساتھ ہیں ۔ ہم بھی صوبائی وزیرقانون رانا ثنا اللہ کی برطرفی کا مطالبہ کرتے ہیں۔واضح رہے کہ طاہر القادری نے پنجاب حکومت کو 31دسبمر کی ڈیڈلائن دے رکھی ہے۔