لاہور(مانیٹرنگ ڈیسک) بیوی نے خرچہ نہ دینے پر شوہر کو گھر سے نکال دیاجس کے بعد شوہر انصاف لینے کیلئے عدالت پہنچ گیا۔ایڈیشنل سیشن جج امجد علی کی عدالت میں ہڈیارہ کا رہائشی مشتاق علی اپنے دو بچوں کے ہمراہ پیش ہوا۔ جس نے موقف اختیار کیا کہ میری بیوی مجھے بلیک میل کر
رہی ہے۔ خرچہ نہ دینے پر اس نے مجھے بچوں سمیت گھر سے نکال دیا۔درخواست گزار کا کہنا تھا کہ میں بچے بیوی کے حوالے کرنا چاہتا ہوں۔ درخواست گزارنے عدالت سے استدعا کی مجھے انصاف دلوایا جائے جس پر عدالت نے نوٹس جاری کرتے ہوئے مشتاق کی اہلیہ نورین کو طلب کر لیا۔
