واشنگٹن (آئی این پی)امریکی صدر کا گھر وائٹ ہائوس ایسا مقام ہے جسے پوری دنیا میں پہچانا جاتا ہے بلکہ نام لینے سے بھی لوگ شناخت کرلیتے ہیں،مگر کیا آپ کو معلوم ہے کہ اس نام کی وجہ کا اس عمارت کی رنگت سے کچھ لینا دینا نہیں۔جی ہاں واقعی وائٹ ہائوس کے نام کا عمارت کی رنگت سے کچھ لینا دینا نہیں۔امریکی عوام میں تو کہا جاتا ہے

کہ اس عمارت کو اس وقت سفید رنگ سے رنگا گیا تھا جب برطانوی فوجیوں نے 1812 کی جنگ میں اسے تباہ کرنے کی کوشش کی، مگر یہ رنگت اس زمانے سے پہلے کی ہے۔1791 میں جب اس جگہ کی تعمیر شروع ہوئی تو اسے ایوان صدر کا صدر کے گھر کا نام دیا گیا تھا اور 1798 میں اسے سفید رنگ سے رنگا گیا۔اس عمارت کا حقیقی رنگ زردی مائل تھا اور اس کی دیواریں چونے کے پتھر سے تیار کی گئی تھیں۔یہ دیواریں سردیوں میں منجمند ہوجاتی تھیں اور ورکرز کو موسم کے اثرات کو زائل کرنے کے لیے اسے وائٹ واش رنگت دینا پڑی تاکہ رنگ ہمیشہ فریش رہ سکے۔ویسے تو اس کا آفیشل نام صدارتی ہاس تھا مگر لوگوں نے اسے ایک عرفیت دی یعنی وائٹ ہاس۔1812 میں ایک کانگریس مین نے اس اصطلاح کا استعمال ایک خط میں کیا اور 1818 میں اصل سفید رنگ سے اسے رنگا گیا۔مگر 1901 سے پہلے تک اس کی عرفیت کو آفیشل حیثیت نہیں ملی تھی جو کہ تھیوڈور روزوالٹ نے دی۔