اسلام آباد ( آئی این پی) سینیٹ میں قائد ایوان ومسلم لیگ ( ن ) کے چیئرمین سینیٹر راجہ ظفر الحق نے کہا ہے کہ کارگل پر فوج کی بے عزتی نواز شریف نے نہیں بلکہ خود پرویز مشرف نے کروائی ہے ، کارگل ایڈوانچر پر میاں نواز شریف نے سابق آرمی چیف پرویز مشرف سے اظہار ناراضگی کیا تھا ،مشرف نے کارگل ایڈوانچر میں کسی کو بھی اعتماد میں نہیں لیا، دعا کریں کہ الیکشن وقت پر ہو جائیں ۔اسی میں ملک اور قوم کی بہتری ہے ۔
وہ گذشتہ روز آئی این پی سے خصوصی گفتگو میں پرویز مشرف کے حالیہ بیان پرردعمل کااظہار کر رہے تھے ۔ راجہ ظفر الحق نے کہاکہ جب پرویز مشرف نے کارگل پر فوج کشی کی تو انہوں نے نہ تو کور کمانڈرز،فضائیہ ، وزیر دفاع، سیکرٹری دفاع سمیت کسی کو بھی اعتماد میں میں نہیں لیا۔ خود پرویز مشرف نے اپنی کتاب ان دی لائن آف فائر میں خود لکھاہے کہ کارگل کے معاملے پر انہون نے کسی کور کمانڈرکو اعتماد مین نہیں لیا اور نہ ہی کوئی مشورہ کیا۔ کیونکہ ان کے خیال کے مطابق جب واقعہ ہو جائیگا تو سب کو خبر ہو جائے گی ۔ سانحہ کارگل پر اس وقت کے وزیر اعظم میاں نواز شریف کو بھی لاعلم رکھا گیا جس پر انہوں نے سابق آرمی چیف پرویز مشرف پر اظہار ناراضگی کیا تھا۔ اسپیکر قومی اسمبلی سردار ایازصادق کی جانب سے قومی الیکشن ملتوی ہو نے کے سوال کے جواب میں راجہ ظفر الحق نے کہاکہ دعا کریں کہ الیکشن وقت پر ہو جائیں ۔اسی میں ملک اور قوم کی بہتری ہے ، جب ان سے ان کا ذاتی خیال پوچھا گیا تو راجہ ظفر الحق کا کہناتھا کہ میں کھبی کوئی پیشن گوئی نہیں کی ۔ اسپیکر قومی اسمبلی نے اپنے خدشات کا اظہار کیا ، جبکہ وزیر اعظم شاہد خاقان عباسی نے اپنی توقعات اور معلومات کی بنیاد پر وقت پر الیکشن ہونے کا کہاہے۔ فاٹا بل کو قومی اسمبلیکے ایجنڈے سے خارج کرنے اور اپوزیشن کی جانب سے اسمبلی کے بائیکاٹ کے بارے میں انہوں نے کہاکہ فاٹا کے بارے میں بل جلد ہی قومی اسمبلی کے فلور پر جلد پیش کر دیا جائیگا۔اس سلسلے میں تمام سیاسی جماعتوں کو اعتماد مین لینے کیلئے وزیر اعظم شاہد خاقان عباسی وزیر اعظم ہاؤ س مین بلا کر متفقہ فیصلہ کریں گے ۔ اور امید ہے کہ تمام سیاسی قیادت کسی فیصلے پر پہنچنے کی کوشش کرئے گی ۔ ایک سوال کے جواب مین انہوں نے کہاکہ تمام ادارے قانون و ضابے کے پابند ہین جب مل کر کام کریں گے تو ملک و قوم کو فائیدہ ہوگا۔
