نئی دہلی(نیوزڈیسک)طالبان رہنما ملا عبدالسلام ضعیف کے ساتھ سابق بھارتی وزیرخزانہ کی تصاویر منظر عام پر،نیاتنازعہ کھڑا ہوگیا،پس پردہ کیا کچھ ہوتارہا،تفصیلات کے مطابق معروف رہنما اور سابق بھارتی وزیرخزانہ چدم برم کی طالبان لیڈر ملا عبدالسلام ضعیف کے ساتھ تصاویر نے بھارت سمیت دنیا بھر میں نیا تنازعہ کھڑا کردیاہے،
تصاویر میں واضح ہے کہ ملاعبدالسلام ضعیف اور بھارتی وزیرخزانہ چدم برم ایک ہی کمرے میں موجود ہیں ان تصاویر کے منظر عام پر آنے کے بعد بھارت اور طالبان کے خفیہ تعلقات سامننے آرہے ہیں، سوال یہ اُٹھایاجارہاہے کہ یو پی اے کے بھارتی وزیر طالبان لیڈرملا عبدالسلام ضعیف کے ساتھ ایک ہی کمرے میں کیا کررہے ہیں ،ملا عبدالسلام ضعیف پاکستان میں طالبان کے سابق سفیر رہ چکے ہیں جنہیں افغانستان پرامریکی حملے کے بعد پاکستان نے امریکہ کے حوالے کردیاتھا، بعد ازاں ملا عبدالسلام ضعیف کو رہا کردیاگیاتھا۔ یہ تصاویر 2013ءکی بتائی جارہی ہیں جب چدم برم بھارتی وزیرخزانہ تھے سوشل میڈیا پر وائرل ہونیوالی تصاویر بی جے پی کی رہنما جو کہ آج کل وزیردفاع ہیں نے 2013ءمیں ہی پہلی بار شیئر کی تھیں ،ملا عبدالسلام ضعیف کی یہ تصاویر ”گوا“ شہر کی ہیں جہاں وہ لیکچردینے کے لئے آئے تھے اس تقریب میں بھارتی وزیر بھی شریک تھے ،طالبان لیڈر کو سیکورٹی ایجنسیوں سے مشورے کے بعد بھارتی ویزادیاگیاتھا،بی جے پی نے سوال اُٹھایا ہے کہ کیوں نہ اس وقت کے بھارتی وزیرخزانہ نے ایسی تقریب میں شرکت سے گریز کیا جہاں طالبان لیڈر موجود تھے، بی جے پی نے چدم برم سے جواب طلب کیا ہے کہ وہ وضاحت کریں کہ وہ ایسی تقریب میں کیوں موجود تھے ۔
