اسلام آباد (مانیٹرنگ ڈیسک)وزیرداخلہ احسن اقبال کو قتل کرنیوالے کو 10لاکھ روپے انعام دینے کا اعلان کرنیوالا کون ہے او رکہاں رہتاہے؟ انعام دینے سے متعلق ویڈیو کس لوکیشن سے اپ لوڈ کی گئی سب سامنے آگیا، تفصیلات کے مطابق سوشل میڈیا پر وفاقی وزیر داخلہ احسن اقبال کے سر قیمت رکھنے والا گوجرانوالہ کا شہری نکلا، جرمنی سے ویڈیو اپ لوڈ کی، ایف آئی اے سائبر کرائم ونگ نے کھوج لگا لیاہے

ایف آئی اے نے چند روز قبل سوشل میڈیا پر وفاقی وزیر داخلہ احسن اقبال کو قتل کرنے پر 10لاکھ روپے کے انعام کی ویڈیو اپ لوڈ کرنے والے شخص کا کھوج لگا لیا ہے۔ ایف آئی اے سائبر کرائم ونگ کے مطابق یہ ویڈیو جرمنی سے اپ لوڈ کی گئی تھی جبکہ اپ لوڈ کرنے والے گوجرانوالہ کا شہری محمد اکرم ہے۔ ایف آئی اے نے ویڈیو اپ لوڈ کرنے والے شخص اور اس کی فیملی کے تمام کوائف حاصل کر لئے ہیں جبکہ اس شخص کے خلاف مقدمہ بھی درج کر لیا گیا ہے۔