ملتان (آئی این پی) وزیر مملکت برائے پانی و بجلی عابد شیر علی نے کہا ہے کہ عمران خان ایمپائر کی باتیں کرتے تھے‘ جاوید ہاشمی نے سازش بے نقاب کی‘ عمران خان سارا پنڈ چوہدری بن جائے گا پر مراثیاں دا بال چوہدری نہیں بنے گا‘ عمران تم انتخابات میں روتے رہ جائو گے‘ آئندہ خیبر پختونخوا میں شیروں کا راج ہوگا‘ ہمارے دور میں بجلی ترسیل کا نظام بہتر بنا کر لائن لاسز میں کمی کی گئی ‘ ملک سے 2018 تک لوڈشیڈنگ کے خاتمے
کا وعدہ 2017 میں ہی پورا کردیا‘ نواز شریف نے اداروں کا احترام کرکے عہدہ چھوڑا۔ منگل کو عابد شیر علی نے میڈیا سے گفتگو کرتے ہوئے کہا کہ محمد نواز شریف نے بجلی کی لوڈشیڈنگ کا ہمیشہ کے لئے خاتمہ کردیا۔ ملک سے 2018 تک لوڈشیڈنگ کے خاتمے کا وعدہ 2017 میں ہی پورا کردیا۔ محمد نواز شریف کی قیادت میں ملکی ترقی دیکھ کر مخالفین پریشان ہوچکے تھے۔ ہمارے دور میں بجلی ترسیل کا نظام بہتر بنا کر لائن لاسز میں کمی کی گئی ہے۔ عمران خان نواز شریف سے خوف زدہ ہیں عمران خان کے دھرنوں کی وجہ سے ملک پیچھے چلا گیا ہے۔ ہوا میں اڑنے والے پرویز خٹک اور شہباز شریف کا موازنہ کرلیں خیبرپختونخوا کے وزراء کرپشن سے بھرے ہوئے ہیں عمران خان پاکستان میں یورپ کے درس دیتے ہیں۔ عمران خان پاکستان میں انتشار چاہتے ہیں۔ آئندہ خیبرپختونخوا میں شیروں کا راج ہوگا۔ عمران خان امپائر کی باتیں کرتے تھے جاوید ہاشمی نے سازش بے نقاب کی ’’عمران خان سارا پنڈ چوہدری بن جائے گا پر مراثیاں کا بال چوہدری نہیں بنے گا‘‘ عمران تم انتخابات میں روتے رہ جائو گے۔ نواز شریف نے اداروں کا احترام کرکے عہدہ چھوڑا۔
