اسلام آباد(مانیٹرنگ ڈیسک) غوث علی شاہ کی مسلم لیگ ن میں واپسی کا امکان، مریم نواز کا ٹیلیفونک رابطہ، سینئر صحافی عارف نظامی کی تصدیق۔ تفصیلات کے مطابق نواز شریف کی صاحبزادی مریم نواز نے ن لیگ سے کنارہ کشی اختیار کرنے والے مسلم لیگ ن سندھ کے سابق صدر غوث علی شاہ سے ٹیلیفونک رابطہ کیا ہے جس کے بعد امکان ظاہر
کیا جا رہا ہے کہ جاوید ہاشمی کے بعد نواز شریف کے دیرینہ ساتھی اور مسلم لیگ ن سندھ کے سابق صدر غوث علی شاہ کی ن لیگ میں واپسی ہو سکتی ہے ۔ اس حوالے سے نجی ٹی وی پروگرام میں سینئر صحافی عارف نظامی کا کہنا تھا کہ مریم نواز کا جاوید ہاشمی کی ن لیگ میں واپسی میں کلیدی کردار ہے جبکہ غوث علی شاہ سے بھی ان کا ٹیلیفونک رابطہ ہوا ہے۔
