اسلام آباد(مانیٹرنگ ڈیسک)پشتونخوا ملی عوامی پارٹی صوبائی دارالحکومت کوئٹہ میں آج سیاسی طاقت کا مظاہرہ کرے گی، جلسے سےمسلم لیگ(ن) کےصدر اور سابق وزیراعظم نواز شریف بھی خطاب کریں گے۔پشتونخوا میپ کا جلسہ کوئٹہ کے وسطی علاقے میں واقع صادق شہید فٹبال گراؤنڈ میں منعقد ہوگا، پشتونخوا میپ کے بانی اور ممتاز
پشتون قوم پرست سیاستدان اور دانشور خان عبدالصمد خان کی برسی کے جلسے میں پشتونخوا میپ کے چیئرمین محمود خان اچکزئی کی دعوت پر مسلم لیگ ن کے سربراہ نوازشریف بھی شرکت کر رہے ہیں۔کوئٹہ کی مختلف شاہراہوں پر سابق وزیراعظم نواز شریف کے لیے خیرمقدمی بینر اور پوسٹر آویزاں کردیے گئے ہیں، جلسے کا پنڈال بھی سجایا جا رہا ہے، سیاسی ماہرین کا کہنا ہے کہ یہ جلسہ نااہلی کے فیصلے کے بعد کوئٹہ میں نوازشریف کی مقبولیت کا اظہار ہوگا اور صوبے میں انتخابی سیاست کے سلسلے میں بھی اہم ثابت ہوگا۔واضح رہے ماضی میں ن لیگ بلوچستان کے انتخابات میں پشتونخوا میپ کی اتحادی بھی رہی ہے، 1993،1997،2002اور پھر2013 کےانتخابات میں کوئٹہ کی قومی اسمبلی کی نشست پر انتخابات میں پشتونخوا میپ کون لیگ کی حمایت حاصل تھی۔
