لاہور(مانیٹرنگ ڈیسک) سبزہ زار سے اغوا ہونے والی 7 سالہ بچی پھول کی لاش یکم نومبر 2017ء پنجاب یونیورسٹی کیمپس کی دیوار کے قریب سے برآمد ہوئی تھی ، پولیس نے بچی کو مبینہ زیادتی کے بعد قتل کے الزام میں 2ملزمان بھائی عرفان اور رضوان کو گرفتار کر کے تحقیقات کا آغاز کیا تھا ۔ لاہور میں سات سالہ بچی کو مبینہ زیادتی کے بعد قتل کرنے والا ملزم پولیس اہلکار سے رائفل چھیننے کی کوشش میں گولی لگنے سے ہلاک ہو گیا ، پولیس نے لاش پوسٹمارٹم کے لئے ہسپتال منتقل کر دی ۔تفصیلات کے مطابق سبزہ زار سے اغوا ہونے والی
7 سالہ بچی پھول کی لاش یکم نومبر 2017ء پنجاب یونیورسٹی کیمپس کی دیوار کے قریب سے برآمد ہوئی تھی ، پولیس نے بچی کو مبینہ زیادتی کے بعد قتل کے الزام میں 2ملزمان بھائی عرفان اور رضوان کو گرفتار کر کے تحقیقات کا آغاز کیا تھا ۔پولیس کے مطابق ملزم رضوان کو نشاندہی کیلئے لیجایا جا رہا تھا کہ راستے میں اس نے پولیس اہلکار سے رائفل چھیننے کی کوشش کی اور اسی دوران گولی چلنے سے وہ ہلاک ہو گیا ۔ پولیس کا کہنا ہے کہ ملزم ڈکیتی کی وارداتوں میں بھی مطلوب تھا ۔جس کی لاش کو پوسٹمارٹم کیلئے ہسپتال منتقل کر دیا گیا ہے ۔
