واشنگٹن(آئی این پی ) امریکہ میں پاکستانی سفیر اعزاز چوہدری نے کہا ہے کہ پاکستان کیساتھ اچھے تعلقات امریکاکے بھی مفادمیں ہیں، پاکستان کو افغانستان میں ناکامی کاموردالزام ٹھہرانا غلط ہے، امریکا افغانستان میں امن چاہتاہے لیکن بھارت نہیں ، دہشتگردوں کے محفوظ ٹھکانے پاکستان نہیں،افغانستان میں ہیں۔ واشنگٹن میں صحافیوں کے اجلاس سے خطاب کرتے ہوئے سفیر اعزاز چوہدری نے کہا امریکا بھارت کوافغانستان میں کردار دے گا تو اس
سے وہاں امن نہیں آئیگا تاہم امریکابھی افغانستان میں امن چاہتاہے لیکن بھارت ایسانہیں چاہتا جبکہ پاکستان بھی افغانستان میں امن چاہتاہے۔انہوں نے سوال کیاکہ کیا افغانستان کی کمزورحکمرانی اورمنشیات کا ذمیدار بھی پاکستان ہے جبکہ دہشتگردوں کے محفوظ ٹھکانے پاکستان نہیں،افغانستان میں ہیں۔پاکستان میں دہشت گردوں کے خاتمے کے حوالے پاکستانی کوششوں کے حوالے سے انھوں نے کہا پاک فوج نیوزیرستان میں آپریشن کیاجہاں کامیابی کاامکان کم تھا۔
