کراچی (مانیٹرنگ ڈیسک) پاکستان تحریک انصاف سندھ کے صدر و رکن قومی اسمبلی ڈاکٹر عارف علوی نے کہا ہے کہ تحریک انصاف اور چیئرمین عمران خان سندھ کی عوام کی امیدوں کا مرکز ہیں ۔ سندھ کی ترقی اور خوشحالی کے خواہشمند سندھ کی عوام اب تحریک انصاف کے ساتھ کھڑی ہے۔ سندھ کے عوام جانتے ہیں کہ اگر سندھ کو محرومیوں سے کوئی نکال سکتا ہے تو وہ صرف پی ٹی آئی کے چیئرمین عمران خان ہیں ، یہی وجہ ہے کہ آج سندھ بھر سے سیاسی رہنما اور کارکنان جوق در جوق تحریک انصاف میں شمولیت

اختیار کر رہے ہیں ۔ یہ باتیں انہوں نے پارٹی سیکریٹریٹ ’’انصاف ہاؤس‘‘ میں شکار پور سے تعلق رکھنے والے سرہندی جماعت کے روحانی پیشوا پیر دیدار سرہندی اور انکے صاحبزادے پیر معصوم شاہ سرہندی سے ملاقات کے موقع پر بات چیت کرتے ہوئے کہیں ۔اس موقع پر پیر دیدار شاہ سرہندی اورپیر معصوم شاہ سرہندی نے چیئرمین عمران خان کی قیادت پر اعتماد کرتے ہوئے تحریک انصاف میں شمولیت کا اعلان کیا۔ اس موقع پر دیوان سچل، میر ولی مغیری، اظہر لغاری، جونی خان اوڈھواور دیگر رہنما بھی موجود تھے۔