سیالکوٹ(مانیٹرنگ ڈیسک) صوبائی وزیربلدیات کے دفتر اور رہائش گاہ پر مذہبی جماعتوں کے کارکنوں کا ڈنڈوں ،سوٹوں سے حملہ، سیاسی بینز زپھاڑ دئیے ۔تفصیلات کے مطابق اتوار کے روز مذہبی جماعتوں کے کارکنوں نے صوبائی وزیر بلدیات محمد منشاء اللہ بٹ کے گھر اور دفتر واقع امام صاحب روڈ نیکاپورہ پر ڈنڈوں ،سوٹوں سے حملہ کردیا تاہم بیرونی آہنی دروازے
بند ہونے کی بناء پر کسی قسم کا نقصان نہ ہوا ہے۔ دوسری طرف شہر بھر میں مسلم لیگی قائدین میاں محمد نواز شریف ،میاں محمد شہباز شریف وزیراعلی پنجاب ،وفاقی وزیر خارجہ خواجہ محمد آصف کے سیاسی تصاویر والے بینز ز پر کارکنوں نے کالی سیاہی پھینک دی اور انہیں پھاڑڈالا۔ تاہم نیکاپورہ پولیس نے کسی بھی شخص کے خلاف کارروائی کی تصدیق نہ کی ہے۔
