سکھر (مانیٹرنگ ڈیسک)پاکستان مسلم لیگ (ن)کے رہنما ،سانق وزیر اعلیٰ سندھ ارباب غلام رحیم نے پارٹی سے علیحدگی کا اعلان کردیا،نجی ٹی وی کے مطابق سکھر میں گرینڈ ڈیموکریٹک الائنس کی جانب سے جلسہ کا انعقاد کیا گیا جس سے مسلم لیگ فنکشنل کے سربراہ پیرپگاڑا،ذوالفقار مرزا، ایاز لطیف پلیجو اور ارباب غلام رحیم نے خطاب کیا۔جلسے سے خطاب کرتے ہوئے سینئر سیاستدان ارباب غلام رحیم نے مسلم لیگ(ن) سے
علیحدگی کا اعلان کردیا اپنے خطاب کے دوران ان کا کہنا تھا کہ اقتدار میں آنے کے بعد نوازشریف کی گردن میں سریا آ جاتا ہے ،ان کا کہناتھا کہ وفاقی حکومت عوام کے مسائل حل کرنے میں ناکام ہو گئی ،گرینڈ ڈیموکریٹک الائنس آئندہ انتخابات میں بھرپور حصہ لے گا اور سندھ میں اپنی حکومت بنائے گا،۔تجزیہ نگاروں کی جانب سے الیکشن سے پہلے ارباب غلام رحیم کی علیحدگی کو مسلم لیگ ن کیلئے شدید دھچکا قرار دیا جارہا ہے۔
