لاہور( آن لائن)پنجاب حکومت نے کشیدہ صورتحال کے باعث لاہور کے تعلیمی ادارے 2 روزتک بند رکھنے کااعلان کر دیا، نجی ٹی وی کے مطابق اسلام آباد میں تحریک لبیک کے دھرنے کیخلاف آپریشن پر ملک میں صورتحال ابتر ہونے پر پنجاب حکومت نے لاہور کے تعلیمی اداے 2 روز تک بند رکھنے کا اعلان کر دیا،وزیر تعلیم رانا مشہود کا کہناتھا کہ شہر میں امن و امان کی صورتحال کے پیش نظر تعلیمی ادارے بند رکھنے

کا فیصلہ کیا گیا ان کا کہناتھا کہ دھرنے کیخلاف آپریشن کے باعث مذہبی جماعتوں کی جانب سے احتجاج کا سلسلہ جاری ہے جس کے باعث لوگوں کو شدید مشکلات کا سامنا ہے ،راستوں کی بندش کے باعث طلبا اور ان کے والدین کو مشکلات کا سامنا ہوگاجس پر حکومت نے آج ا ور کل منگل کو تعلیمی ادارے بند کرنے کا فیصلہ کیا ہے ان کا کہناتھا کہ تعلیمی ادارے بند رکھنے کا فیصلہ شہریوں کی سکیورٹی یقینی بنانے کیلئے کیا گیا ہے۔