اسلام آباد (مانیٹرنگ ڈیسک) عوامی مسلم لیگ کے سربراہ شیخ رشید احمد کا دعویٰ کرتے ہوئے کہنا ہے کہ وزیر قانون زاہد حامد اکیلا ختم نبوتؐ قانون میں تبدیلی کا ذمہ دار نہیں ہے تفصیلات کے مطابق پاکستان عوامی مسلم لیگ کے سربراہ شیخ رشید نے حافظ آباد میں تحریک انصاف کی جانب سے منعقد کیے گئے جلسے میں تقریر کی، عوامی مسلم لیگ کے سربراہ شیخ رشید احمد نے اپنی تقریر کے
دوران تہلکہ خیز انکشاف کرتے ہوئے کہا کہ زاہد حامد ختم نبوتؐ قانون میں تبدیلی کا اکیلا ذمہ دار نہیں ہے، انہوں نے کہا کہ اس سازش میں 5 لوگ شامل تھے۔ ختم نبوتؐ قانون میں تبدیلی کرنے کی سازش میں زاہد حامد، انوشہ رحمان، کیپٹن ریٹائرڈ صفدر اور رانا ثناء اللہ شامل تھے۔ ان تمام لوگوں نے خاموشی سے ختم نبوتؐ قانون کو ختم کرنے کی سازش کی تھی تاہم میں نے بروقت ان کی چوری پکڑ لی ۔
