اسلام آباد (مانیٹرنگ ڈیسک)وزیراعلیٰ بلوچستان ثنا اللہ زہری کے بھانجے نوابزادہ میر شاہجہان زہری اور نوابزادہ میر یوسف خان زہری، میر نواب خان مینگل،وڈیرا محمد نواز اور محمد خان بروہی پیپلزپارٹی میں شامل، بلاول ہائوس میں آصف زرداری سے ملاقات میں پارٹی میں شمولیت کا اعلان۔ تفصیلات کے مطابق وزیراعلیٰ بلوچستان ثنا اللہ زہری کے بھانجے نوابزادہ میر شاہجہان زہری اور نوابزادہ
میر یوسف خان زہری سمیت میر نواب خان مینگل ، وڈیرا محمد نواز اور محمد خان بروہی نے بلاول ہائوس میں آصف علی زرداری سے ملاقات کے بعد پیپلزپارٹی میں شمولیت کا اعلان کیا ہے۔ اس موقع پر آصف علی زرداری نے پارٹی میں شامل ہونے والی شخصیات کو خوش آمدید کہتے ہوئے کہا کہ بلوچستان کا آئندہ وزیراعلیٰ پیپلزپارٹی کا جیالا ہو گا۔اس موقع پر پیپلزپارٹی کے دیگر رہنما بھی موجود تھے۔
