شیخوپورہ(مانیٹرنگ ڈیسک )تھانہ فیکٹری ایریا کے علاقہ کوٹ عبدالمالک میں مبینہ جعلی پیر کی متاثرہ خواتین سے دولاکھ روپے ہتھیانے کی بناء پر مشتعل خواتین نے چھترول کرکے رکھ دی،مبینہ جعلی پیر دھائیاں دیتا رہا خواتین نے دوران تلاشی پیر کی جیب سے لڑکیوں کی تصویریں اورشناختی کارڈ بھی نکال لیں بتایا گیا ہے کہ نیاز نامی مبینہ جعلی پیر نے خاتون نسیم بی بی سے اولاد دینے کے لیے دولاکھ روپے ہتھیالیے اور اس سے نازیبا حرکات کرنے کی کوشش کی جس نے اپنی رشتہ دار
خواتین کو جعلی پیر کے آستانے پر بلاکر جعلی پیر کی پٹائی کرڈالی خواتین نے جعلی پیر کی جوتوں اور ،تھپڑؤں سے خوب دھرگت بنائی متاثرہ خاتون کا کہنا ہے کہ جعلی پیر نے اولاد دینے کے لیے دم کرنے کے نام پر دولاکھ روپے لیے اور اس سے نازیبا حرکات کرنے کی کوشش کی جس پر خاتون نے اپنی رشتہ دار خواتین کو بلا کر جعلی پیر جوتوں اورتھپڑوں کی بارش کرتے ہوئے اس کی خوب دھرگت بناڈالی واقعہ کی اطلاع ملتے ہی فیکٹری ایریا پولیس بھی جائے وقوعہ پر پہنچ گئی ۔
