حافظ آباد(آئی این پی)اسلام آباد دھرنے والوں کے خلاف اگر کوئی ایکشن لیا گیا تو یہ ملک کے حالات کو مزید خراب کرنے اور وطن عزیز میں انارکی پھیلانے کا سبب بنے گا۔ حکومت کو چاہئے کہ وہ دھرنے والوں کے جائز مطالبات کو تسلیم کرکے دھرنا ختم کروائے۔ ان خیالات کا اظہار 20 سنی تنظیموں کے رہنماؤں کا مشترکہ بیان ،سنی تنظیموں کے راہنماؤں بیرسٹر سید وسیم الحسن
نقوی، علامہ رانا محمد اصغر چشتی، علامہ فیصل ندیم کیلانی، مولانا محمد اشرف سیال، حافظ محمد آصف، صوفی اخلاق احمد رضوی نے کہا کہ حکومت دھرنے والوں کے مطالبات کو تسلیم نہ کرکے خود دھرنے کو طول دے رہی ہے۔ اھلسنت ہمیشہ سے پرامن رہے ہیں لیکن اگر دھرنے والوں کے خلاف کوئی بھی ایکشن لیا گیا تو ملک بھر کے اہلسنت خاموش نہیں رہیں گے۔انہوں نے مطالبہ کیا کہ تحریک لبیک یارسول اﷲؐکے تمام گرفتار کارکنوں کو فوری طور پر رہا کیا جائے اور انکے خلاف درج مقدمات کو ختم کیا جائے۔ تاکہ مذاکرات کی راہ ہموار ہوسکے۔
