اسلام آباد (مانیٹرنگ ڈیسک) وزیر خارجہ خواجہ آصف کی صاحبزادی کا نکاح آج تاریخی مسجد وزیر خان میں انجام پایا ہے۔ نکاح خوان مسجد وزیر خان کے سینئر خطیب مولانا محمد ذوالفقار تھے، تقریب نکاح میں وزیر بلدیات پنجاب منشا اللہ بٹ ، سپریم کورٹ کے جج شیخ عظمت سعید، پیپلزپارٹی
رہنما فاروق ایچ نائیک، امریکی قونصل جنرل الزبتھ کینیڈی سمیت دولہا و دلہن کے قریب عزیزوں نے شرکت کی۔ دو گھنٹے تک جاری رہنے والی اس تقریب نکاح کے موقع پر سکیورٹی کے سخت ترین انتظامات کئے گئے تھے اور تاریخی مسجد وزیر خان کو عام عوام کیلئے بند کر دیا گیا تھا۔
