اسلام آباد (مانیٹرنگ ڈیسک) پارلیمنٹ ہاؤس میں وزیر اعظم چیمبر سے ملحقہ راہداریوں پر سکیورٹی اہلکار نے فاروق ستار سے راستہ چھوڑنے کا کہہ دیا، اس موقع پر دلچسپ نوک جھونک بھی ہوئی۔وزیر اعظم کی پارلیمنٹ ہاؤس میں موجود گی کے سبب سکیورٹی اہلکار نے فاروق ستار کو بھی راستہ خالی کرنے کا کہہ دیا جس پر فاروق ستار برا مان

گئے۔ اہلکار بولا وزیر اعظم نے یہاں سے گزرنا ہے جگہ خالی کر دیں۔ جس پر فاروق ستار نے کہا کہ ارے بھائی پبلک کو نکالو، پارلیمنٹرینز کو کیوں نکالتے ہو؟ اہلکار بولا، سر ہماری نوکری کا مسئلہ ہے۔ اس پر فاروق ستار پسیج گئے۔ اہلکار کے کندھے پر تھپکی دے کر بولے تمہاری نوکری نہیں جاتی، وہ وزیر اعظم ہیں، کوئی بادشاہ تھوڑی ہیں۔