اسلام آباد(مانیٹرنگ ڈیسک)ن لیگ کے اندر باغی گروپ تشکیل پا چکاجس کے اراکین کے ساتھ ہمارے رابطے ہیں، عمران خان کا نجی ٹی وی کو انٹرویو میں دعویٰ۔ تفصیلات کے مطابق نجی ٹی وی کو انٹرویو دیتے ہوئے پاکستان تحریک انصاف کے چیئرمین عمران خان نے دعویٰ کیا ہے کہ ن لیگ کے اندر ایک باغی گروپ تشکیل پا چکا ہے جس کے اراکین ہمارے ساتھ رابطے میں ہیں۔ انہوں نے ایک سوال کا جواب دیتے ہوئے کہا کہ ہر آرمی چیف اپنی پالیسی تشکیل دیتا ہے ، ملک کی سول قیادت اگر تگڑی ہو تو فوج کو

کسی چیز میں مداخلت کی ضرورت محسوس نہیں کرتی۔ پاکستان کی جمہوریت کو جنرل باجوہ کا شکرگزار ہونا چاہئے جو جمہوریت کے ساتھ کھڑے ہیں۔ انہوں نے سیاسی حریفوں کو چیلنج کرتے ہوئے کہا کہ ہم نے 126دن کا دھرنا دیا تھا ، چیلنج کرتا ہوں ہمارے جیسے کوئی ایک جلسہ ہی کر کے دکھا دیں۔عمران خان کا کہنا تھا کہ فیصل واوڈا بتائے بغیر ایم کیو ایم سے ملے۔ کراچی تحریک انصاف کے اہم رہنما فیصل علوی کو فیصل واڈا سے ایم کیو ایم اور پی ایس پی مذاکرات میں بیٹھنے سے متعلق پوچھ گچھ کیلئے ہدایات دے دی ہیں۔