لاہور( این این آئی) وفاقی وزیر دفاع انجینئر خرم دستگیر خان نے کہاہے کہ سیاسی استحکام کاملک میں اقتصادی استحکام سے گہرا تعلق ہے،اگرملک میں سیاسی استحکام ہوتو 7فیصد کی شرح نموحاصل کی جاسکتی ہے۔ایک انٹر ویو میں انہوں نے کہا کہ سول اورفوجی قیادت متحد ہے

اور قومی سلامتی کے امور پرمشترکہ حکمت عملی وضع کررہی ہے۔امریکی صدرڈونلڈٹرمپ کی جنوبی ایشیا کے حوالے سے حکمت عملی کے بارے میں وزیردفاع نے کہاکہ اس سلسلے میں قومی سلامتی کمیٹی کے اجلاس کے بعد اتفاق رائے سے جوابی پیغام جاری کیاگیاتھا۔