اسلام آباد(مانیٹرنگ ڈیسک)نجی ٹی وی جیو نیوز کے پروگرام کیپٹل ٹاک کے پروگرام میں تجزیہ کار میجرجنرل(ر)اعجاز اعوان کی تنقید کا جواب دیتے ہوئے وزیر مملکت برائے داخلہ طلال چوہدری نے پرویز مشرف کو پھانسی اور پی سی او کے تحت حلف لینے والے ججز کو سر عام کوڑے مارنے کی سزائوں کی خواہش کا اظہار کر دیا ہے۔ طلال چوہدری کا کہنا تھا کہ غلط کام کسی کو

بھی معاف نہیں میری نسل کے لوگ پرویز مشرف کو بھی پھانسی اور پی سی او کے تحت حلف لینے والے ججز کو سر عام کوڑے مارنے کی سزائیں ملتے دیکھنا چاہتی ہے۔انہوں نے یہ بات میجر جنرل(ر) اعجاز اعوان کی بات کے ردعمل میں کہی جس میں انہوں نے سیاستدانوں اور ن لیگ کو سخت تنقید کا نشانہ بناتے ہوئے عدلیہ ، پاک فوج کے خلاف مہم اور منی لانڈرنگ کے سنگین ترین الزام عائد کئے تھے۔