اسلام آباد(مانیٹرنگ ڈیسک)پیپلزپارٹی کو پنجاب سے ایک اور بڑا جھٹکا، پارٹی کے سابق صوبائی صدر رانا آفتاب تحریک انصاف میں شامل۔ تفصیلات کے مطابق تحریک انصاف نے پنجاب سے پیپلزپارٹی کی ایک اور بڑی وکٹ اڑا دی ہے۔ پیپلزپارٹی پنجاب کے سابق صوبائی صدر رانا آفتاب نےتحریک انصاف کے
سیکرٹری جنرل جہانگیر ترین سے ملاقات کے بعد تحریک انصاف میں شمولیت کا اعلان کر دیا ہے۔ واضح رہے کہ پنجاب سے پیپلزپارٹی کے اہم رہنما تحریک انصاف میں شمولیت اختیار کرتے جا رہے ہیں جن میں قابل ذکر فردوس عاشق اعوان، نذرگودل، بابر اعوان، وسیم افضل چن ، راجہ ریاض، صمصام بخاری ہیں۔
