اسلام آباد (مانیٹرنگ ڈیسک) سابق صدر و سربراہ پیپلز پارٹی آصف علی زرداری نے انکشاف کیا ہے کہ مسلم لیگ ن اندرونی طور پر شدید اختلافات کا شکار ہو چکی ہے اور ان اختلافات کو کم کرنے اور پارٹی کے ناراض رہنماؤں کو منانے کیلئے میاں نواز شریف نے 90 بلین روپے کا بجٹ تیار کیاہے۔ نجی ٹی وی کو دیئے گئے اانٹرویوکے دور ان ایک سوال کے جواب میں ان کا کہنا تھا کہ ہم میاں نواز شریف کو کیوں

بچائیں، ہم قانو ن کو بچائیں یا شریف فیملی کی کرپشن کو؟ میاں نواز شریف سے ہمارا کوئی رابطہ ہے نہ ہوگا، میاں صاحب نے ملکی معیشت کو تباہ کر دیاہے۔سابق صدر آصف علی زرداری نے کہا کہ مسلم لیگ نے ملکی معیشت کو اتنا تباہ کر دیا ہے کہ اگلی حکومت کو معیشت سنبھالنے میں سالوں لگیں گے۔ ان کا کہنا تھا کہ ہم میاں صاحب کے نہیں جمہوریت کے ساتھ ہیں۔ ہم چاہتے ہیں کہ حکومت اپنی مدت پوری کرے۔