لاہور(مانیٹرنگ ڈیسک) لاہور ڈویلپمنٹ اتھارٹی کی جانب سے 8ہاؤسنگ سکیموں کو غیرقانونی قراردینے کے فیصلے کے بعد ان ہاؤسنگ سکیموں میں سرمایہ کاری کرنیوالے شہریوں کے ہوش اُڑ گئے ،اربوں روپے ڈوبنے کا خدشہ،تفصیلات کے مطابق لاہور ڈویلپمنٹ اتھارٹی نے مزید 8ہاؤسنگ سکیموں کو غیر قانونی قرار دیتے ہوئے مالکان کو نوٹس جاری کر دیئے۔ ایل ڈی کی جانب سے پلان منظوری نہ کرانے پر غیر قانونی قرار دیا جن میں زیڈ اے گارڈنز بند روڈ ، سکول لین برکت کالونی ملتان روڈ ، منظور گارڈنز ، القادر ہاؤسنگ سکیمز ، آباد گارڈنز ،گولڈ ایشیاء آرچرڈ ، بن عالم سٹی ، رحمان سٹی فیز ٹو سگیاں

پل شامل ہیں۔ ایل ڈی اے نے غیر قانونی سکیموں کے خلاف کارروائی شروع کر دی ہے اور سوسائٹی مالکان کو نوٹس بھی جاری کر دیئے ہیں۔دریں اثناء لاہور ڈویلپمنٹ اتھارٹی کے ڈائریکٹوریٹ آف اسٹیٹ مینجمنٹ پرائیویٹ ہاؤسنگ سکیمز کے عملے نے ٹی ایم اے قصور کی حدود میں واقع 6 غیر قانونی رہائشی سکیموں کے خلاف آپریشن کرکے وہاں قائم غیر قانونی تعمیرات مسمار کردیں۔ آپریشن کے دوران نیو سٹی فیز ٹو‘غیر قانونی سکیم ارشد انصاری‘مدینہ گارڈن‘وائٹل سٹی‘مدینہ پارک اور غیر قانونی سکیم سرور کی چار د یواریاں‘سیوریج سسٹم ‘سڑکیں ‘دفاتر اور دیگرانفراسٹرکچر کو مسمار کر دیا گیا۔