اسلام آباد(ویب ڈیسک) جولائی سے ستمبر کے دوران تقریباً 92 ہزار ٹن چینی برآمد ہوئی ، آل پاکستان شوگر ملز ایسوسی ایشن نے برآمدے کوٹے میں مزید اضافے کا مطالبہ کر دیا ۔ رواں مالی سال کے پہلے تین ماہ میں 92 لاکھ ٹن چینی برآمد کی گئی ، چینی کی برآمدات سے 4 کروڑ 20 لاکھ ڈالر کی آمدن ہوئی ، آئندہ کرشنگ سیزن میں ملک میں چینی کی 80 لاکھ ٹن ریکارڈ پیداوار متوقع ہے ۔ پاکستان شوگر ملز ایسوسی ایشن کے مطابق 80 لاکھ ٹن میں

سے 55 لاکھ ٹن ملکی ضروریات ہے جبکہ 5 لاکھ ٹن گذشتہ برس کے سٹاک بھی موجود ہیں ۔ اس طرح ملک میں 30 لاکھ ٹن اضافی چینی موجود ہوگی ۔ شوگر ملز نے یہ موقف اختیار کیا ہے کہ کاشتکاروں کو بروقت ادائیگیوں کے لئے ضروری ہے کہ حکومت فوری طور پر 15 لاکھ ٹن چینی کی برآمدات کی اجازت دے ، جبکہ بقیہ 15 لاکھ ٹن چینی ٹریڈ کارپوریشن آف پاکستان خریدے تاکہ ملک میں چینی کی قیمت میں استحکام رکھا جاسکے ۔

موضوعات:چینی