اسلام آباد(مانیٹرنگ ڈیسک) پاکستان تحریک انصاف نے چیئرمین عمران خان کیخلاف الیکشن کمیشن میں فاران فنڈنگ کیس کرنے والے اکبر ایس بابر کیخلاف ہتک عزت کا نوٹس بھجوا دیا ۔تفصیلات کے مطابق سوشل میڈیا پربے بنیاد پراپیگنڈہ کرنے پر تحریک انصاف نے اکبر ایس بابر کیخلاف قانونی چارہ جوئی  کا

فیصلہ کر لیا اوراکبر ایس بابر کو ہتک عزت کا نوٹس بھجوا دیا، نوٹس مرکزی ڈپٹی سیکرٹری اطلاعات فیاض الحسن چوہان کی جانب سے بھجوایا گیا ،نوٹس میں سماجی میڈیا پر ڈالا گیا جھوٹا مواد فوری ہٹانے اور 14 روز میں معافی مانگنے کا بھی مطالبہ کیا گیا ہے۔نوٹس سید ظہیر حسین ایڈووکیٹ کے توسط سے بھجوایا گیا۔