اسلام آباد(ویب ڈیسک) ادارہ قومی بچت حکام کے مطابق لاکھ روپے والے بانڈز پر جہاں ماہانہ منافع ملے گا وہیں ان بانڈز کا خریدار انعام کا بھی اہل ہو گا جس کا اعلان قرعہ اندزی کے ذریعے کیا جائے گا۔ اس کے علاوہ ادارہ شہدا ویلفیئر اکاؤنٹ اور معذور افراد
کے لیے بہبود سیونگ سرٹیفیکیٹ بھی جلد لانچ کرے گا۔بیرون ملک مقیم پاکستانیوں کے لیے بھی سرمایا کاری کے حوالے سے پرکشش سکیم کا اجراء جلد کیا جائے گا۔ حکام کا کہنا ہے وزیر خزانہ اسحاق ڈار کی ہدایت کے مطابق بہبود اور پینشنرز بینیفٹ اکاؤنٹس پر ٹیکس ختم کرنے کے لیے فنانس ایکٹ میں ترمییم کی جائے گی۔
