اسلام آباد (مانیٹرنگ ڈیسک) پاکستان تحریک انصاف کے منحرف رکن خیبرپختونخواہ اسمبلی ضیاء اﷲ آفریدی کے وکیل سردار لطیف کھوسہ نے دعویٰ کیا ہے کہ عمران خان پارٹی فنڈنگ کیس میں الزامات پر نااہل ہوسکتے ہیں‘ضیاء اﷲ آفریدی کی آصف علی زرداری سے ملاقات میں حرج نہیں۔ پیر کو ضیاء اﷲ آفریدی کے وکیل سردار لطیف کھوسہ نے میڈیا سے گفتگو کرتے ہوئے کہا کہ وزیراعلیٰ کے پی کے خود کرپشن میں ملوث ہیں ٗ رکن صوبائی اسمبلی کو ان کے خلاف آواز بلند کرنے کا حق ہے ٗ کے پی کے میں احتساب کا ادارہ بند پڑا
ہے کرپشن پر ووٹرز بھی وزیراعلیٰ کے خلاف آواز بلند کرسکتے ہیں۔ انہوں نے کہا کہ ضیاء اﷲ آفریدی کے خلاف بے بنیاد ریفرنس دائر کیا گیا۔ عمران خان پارٹی فنڈنگ کیس میں الزامات پر نااہل ہوسکتے ہیں ٗضیاء اﷲ آفریدی کی آصف علی زرداری سے ملاقات میں حرج نہیں۔ آصف زرداری کے صوبہ خیبرپختونخواہ پر احسانات ہیں۔ اداروں کی تضحیک کرنا نواز شریف کا خاصہ ہے۔ انہوں نے کہا کہ وزیراعظم بھی نواز شریف کے دربار میں حاضر ہونے لندن پہنچے ہیں۔ وزیر خزانہ احتساب عدالت میں پیش ہونے کی بجائے لندن چلے گئے۔
