اسلام آباد (مانیٹرنگ ڈیسک) پمز کے ملازم اشعر اسحاق نے اپنے آپ کو ڈاکٹر ظاہر کیا، تفصیلات کے مطابق پاکستان پیپلز پارٹی کے چیئرمین بلاول بھٹو جب پمز میں زیر علاج صحافی کی عیادت کے لیے آئے تو اس وقت وہاں موجود اشعر اسحاق نے خود کو ڈاکٹر ظاہر کرتے ہوئے بلاول بھٹو کو بریف کیا، اس سلسلے میں ہسپتال ذرائع کا

کہناہے کہ اشعر اسحاق ڈاکٹر نہیں ہے اور نہ ہی وہ پمز کا ملازم ہے، اشعر اسحاق برن سینٹر پمز میں بطور ٹرینی سٹاف کام کر رہا ہے، اس کی اس حرکت سے ہسپتال کی انتظامیہ بے خبر رہی، واضح رہے کہ اشعر اسحاق اس سے پہلے ریلوے کے وزیر خواجہ سعد رفیق اور دیگر وزراء کے ساتھ بھی اسی طرح کے مذاق کر چکا ہے۔