ننکانہ صاحب (این این آئی)سکھوں کے روحانی پیشوا بابا گرو نانک دیو جی کے جنم دن کی تقریبات کے سلسلہ میں چار ہزار کے قریب سکھ یاتری مختلف ممالک سے پاکستان پہنچیں گے ۔تفصیلات کے مطابق سکھ یاتری یکم نومبر کو بھارت سے براستہ واہگہ بارڈر پاکستان پہنچیں گے اورضلع ننکانہ صاحب ، ضلع شیخوپورہ ، ضلع نارووال ،ضلع گوجرانوالہ،
حسن ابدال اور دیگر مذہبی مقامات پر جائیں گے۔سکھ یاتریوں کی پاکستان آمد اور مذہبی مقامات پر اپنی مذہبی رسومات ادا کرنے کے لئے ڈی پی او شیخوپورہ سرفراز خان ورک نے گردوارہ سچا سودا فاروق آباد میں سکھ یاتریوں کی سیکورٹی کے لئے فول پروف انتظامات کو حتمی شکل دیتے ہوئے بائی نیم ڈیوٹیاں لگا کرسیکورٹی پلان جاری کر دیا ۔
