راولپنڈی: پاکستان مسلم لیگ (ن) کے مرکزی رہنما اور این اے ۵۶ دے پاکستان تحریک انصاف کے چےئر مین عمران خان کے خلاف الیکشن لڑنے والے حنیف عباسی نے عمران خان کو ہتک عزت کا نوٹس بھجوا دیا ہے جس میں سابق رکن قومی اسمبلی کی جانب سے موقف اختیار کیا گیا کہ تحریک انصاف کے چیرمین نے انہیں کئی مرتبہ منشیات فروش اور اسمگلر کہا جس سے ان کی ساکھ کو نقصان پہنچا ہے، عمران خان 15 روز میں معافی مانگیں ورنہ ان کے خلاف ایک ارب روپے ہرجانے کا دعویٰ اور قانونی چارہ جوئی بھی کی جائے گی۔واضح رہے کہ اس سے قبل سابق چیف جسٹس سپریم کورٹ افتخار محمد چوہدری اور قومی اسمبلی میں قائد حزب اختلاف خورشید شاہ بھی عمران خان کے خلاف ہتک عزت کا دعویٰ کر چکے ہیں ادھر ۔ ایفی ڈرین کیس کی سماعت راولپنڈی کی انسداد منشیات کی خصوصی عدالت کے جج محمد اختر بہادر کی سربراہی میں ہوئی، آج عدالت نے ایفی ڈرین کیس میں سابق رکن قومی اسمبلی حنیف عباسی کے بھائی باسط عباسی سمیت 8 ملزمان پر فرد جرم عائد کرنا تھی تاہم ملزم کے وکیل نے عدالت کو بتایا کہ باسط عباسی حج پر گئے ہوئے ہیں اور 3 روز بعد وطن واپس آ رہے ہیں جس پر عدالت نے بغیر کسی کارروائی کے سماعت 28 اکتوبر تک ملتوی کر دی۔