لاہور(آئی این پی)مڈل آرڈر بلے باز عمر اکمل ہیڈ کوچ مکی ارتھر کی جانب سے گالیاں دینے اور این سی اے میں پریکٹس سے روکنے کے الزام پر قائم ہیں ،کر کٹر کا کہنا ہے کہ آٹھ برس سے انٹرنیشنل کرکٹ کھیل رہا ہوں، گالی اور ڈانٹ کا فرق خوب سمجھتا ہوں۔نجی ٹی وی سے گفتگو کرتے ہوئے مڈل آرڈر بلے باز عمر اکمل نے کہا کہ چیف سلیکٹر

انضمام الحق اور مشتاق احمد حلف دے دیں کہ ایسا نہیں ہوا تو معافی مانگنے کو تیار ہوں۔ مکی آرتھر نے جو گالیاں دیں، شوکاز نوٹس کے جواب میں سب بتا دوں گا۔عمر اکمل کا کہنا تھا کہ اگر فٹنس ٹیسٹ میں سات بار ناکام ہوا، تو چیمپئنز ٹرافی کے سکواڈ میں منتخب کیوں کیا گیا تھا؟عمر اکمل کا کہنا ہے کہ آٹھ برس سے انٹرنیشنل کرکٹ کھیل رہا ہوں، گالی اور ڈانٹ کا فرق خوب سمجھتا ہوں۔