اسلام آباد(مانیٹرنگ ڈیسک) پاکستانی نژاد برطانوی باکسر عامر خان کی اپنی اہلیہ سے علیحدگی کے بعد فریال مخدوم کی جانب سے سماجی رابطوں کی ویب سائٹ ٹویٹر پر دل ٹوٹنے اور اپنے شوہر کو یاد کرنے کا اعتراف، شادی کی انگوٹھی پہنے تصاویر شیئر کر دیں۔ تفصیلات کے مطابق پاکستانی نژاد برطانوی باکسر عامر خان اور ان کی اہلیہ فریال مخدوم میں علیحدگی کے بعد
اب فریال مخدوم نے سماجی رابطوں کی ویب سائٹ ٹویٹر پر ایسی تصاویر شیئر کی ہیں جس میں انہوں نے شادی کی انگوٹھی پہن رکھی ہے ۔ اپنے ٹویٹر پیغام میں فریال مخدوم کا کہنا تھا کہ میں وعد ہ کرتی ہوں کہ میں آپ کے تمام کمنٹس اور محبتیں پڑھتی ہوں، میں تم لوگوں کو مس کرتی ہوں ‘ اور ساتھ ہی ٹوٹے دل کی ایک ایموجی شیئرکی لیکن جلد ہی ایک سوشل میڈیا صارف نے نشاندہی کردی کہ فریال مخدوم عامر خان کی طرف سے دھوکہ دہی کے الزامات ، انتھونی جوشوا کیساتھ تعلقات اور علیحدگی کے بعد بھی خاتون تاحال شادی کی انگوٹھی پہنے ہوئے ہیں تاہم ایک صارف نے نشاندہی کی کہ یہ وہی تصویر ہے جو فریال نے گزشتہ سال دسمبر میں شیئرکی تھی ۔یہ معلوم نہیں ہوسکا کہ فریال نے شادی کی یہ انگوٹھی غیرارادی طورپر شیئرکی یا اس کا مطلب اس وقت کی یاد تھی جب اس کا خاوند اس سے پیا رکرتاتھا۔واضح رہے کہ باکسر عامر خان نے اپنی اہلیہ فریال مخدوم پر باکسر انتھونی جوشوا کے ساتھ تعلقات کا الزام لگا کر علیحدگی کا اعلان کر دیا تھا جبکہ اپنے اعلان کے کچھ ہی گھنٹوں کے بعد دبئی میں ایک کار میں ایک ماڈل کے ساتھ اپنی ویڈیو بھی انہوں نے سماجی رابطوں کی ویب سائٹ پر شیئر کی تھی جس میں وہ انتہائی خوش نظر آرہے تھے۔
