اسلام آباد(مانیٹرنگ ڈیسک)برطانوی اخبار نے دعویٰ کیا ہے کہ باکسر عامر خان کی بیوی فریال ان کی جاسوسی کررہی تھی اور اس نے عامر کےخلاف کافی مواد جمع کر لیا تھا اور وہ عامر کو اس کے کیریئر کو تباہ کرنے کی دھمکیاں بھی دیتی تھی،اخبار کا کہنا ہے کہ ورلڈ ہیوی ویٹ چمپئن اینتھونی جوشوا سے عامر خان کی معافی کے بعد یہ سوال عام تھا کہ الزامات غلط تھے
تو پھر عامر نے اپنی بیوی فریال کو کیوں چھوڑا،برطانوی اخبار نے فریال کو ولن کے روپ میں پیش کرتے ہوئے لکھا کہ فریال عامر خان کو دھمکیاں دیتی تھی،فریال نے عامر خان کو جاسوسی کے بعد بلیک میل کررہی تھی برطانوی اخبار کا یہ بھی کہنا ہے کہ عامر خان دو سال قبل بھی فریال کو چھوڑنے کا سوچ رہے تھے تاہم یہ خدشہ تھا کہ طلاق ساکھ کو خراب کرےگی اور عامر مداحوں کو کھو دیں گے،برطانوی اخبار نے یہ بھی لکھا ہے کہ فریال عامر خان کے دوستوں کو بھی دھمکیاں دیتی تھی اور کہتی تھی کہ عامر مجھے کبھی نہیں چھوڑے گا اگر چھوڑا بھی تو میں چھوڑوں گی۔
