لندن( آن لائن )فاسٹ بالر محمد عامر نے ٹی ٹونٹی بلاسٹ میں شاندار بالنگ کے بعد بہترین فیلڈنگ کے ذریعے گوروں کو اپنی تعریف کرنے پر مجبور کردیا ۔سرے کے خلاف ایسیکس کی نمائندگی کر نے والے محمد عامر نے اپنے پہلی اوور میں اوپنر جیسن روئے سے چوکا کھانے کے بعد انہیں پوویلین چلتا کیا اور پھر میچ کے
11ویں اوور میں جب سرے کے اولیوی پوپ نے روی بوپارا کی گیند پر بانڈری کی جانب اونچا شاٹ کھیلا تو وہاں موجود محمد عامر نے سورج کا رخ اپنی جانب ہونے کے باوجود دوڑ کر شاندار کیچ تھام لیا ۔ عامر کی ان تمام تر کوششوں کے باوجود سرے نے میچ سنسنی خیز مقابلے کے بعد 2رنز سے جیت لیا ۔
