اسلام آباد(مانیٹرنگ ڈیسک)یکم جولائی سے پیٹرول اور ڈیزل سستا ہونے کا امکان ہے، پیٹرول 3روپے 30پیسے جبکہ ڈیزل ممکنہ طور پر 2روپے70پیسے سستا ہوسکتا ہے۔آئل اینڈ گیس ریگولیٹری اتھارٹی نے پیٹرولیم مصنوعات کی قیمتوں میں ردو بدل کی سمری وزارت پٹرولیم کو بھیج دی ہے۔

اوگرا کی پیٹرولیم مصنوعات کی تجویز کردہ سمری میں یکم جولائی سے پیٹرول3روپے30پیسے، ڈیزل2 روپے70پیسے سستا کرنے کی سفارش کی گئی ہے۔سمری میں مٹی کا تیل11روپے لٹر جبکہ لائٹ ڈیزل آئل7روپے مہنگا کرنے کی تجویز بھی دی گئی ہے۔قیمتوں کا حتمی فیصلہ وزارت خزانہ وزیر اعظم نواز شریف کی مشاورت سے کرے گی۔

موضوعات:پٹرول