اسلام آباد (مانیٹرنگ ڈیسک)آئندہ 15دن پانامہ جے آئی ٹی ممبران کیلئے مشکل ہونگے۔ پاکستان کے معروف صحافی رئوف کلاسرا کی نجی ٹی وی پروگرام میں گفتگو۔ تفصیلات کے مطابق نجی ٹی وی پروگرام میں گفتگو کرتے ہوئے پاکستان کے معروف صحافی رئوف کلاسرا کا کہنا تھا کہ جے آئی ٹی اور عدلیہ کو اس بات کی داد دینی پڑے گی کہ انہوں نے تنقید اور میڈیا ٹرائل کا سامنا کیا
اور نہ صرف انہوں نے بلکہ ان کی فیملیز نے بھی بڑی بہادری سے مقابلہ کیا۔ان کا کہنا تھا کہ سپریم کورٹ کا پانامہ کیس عملدرآمد بنچ بھی داد کا مستحق ہے جوڈٹ کر سامنے آیا۔رئوف کلاسرا کا کہنا تھا کہ آنے والے دن جے آئی ٹی کے لیے اس لیے بھی مشکل ہونگےکیونکہ حکومت ان کو جس قدر ہو سکا متنازعہ بنانے کی کوشش کرے گی۔ حکومت نے اب اس بات کو ذاتی بنا لیا ہے۔
